अन्तर सहकारी सम्बन्ध
सिक्किम राज्य सहकारी संघका अध्यक्षलाई बागमती प्रदेश सहकारी संघको कार्यालयमा स्वागत् ।
आज मिति २०८१ बैशाख १४ गते शुक्रवार बागमती प्रदेश सहकारी संघ लिमिटेडको कार्यालय ललितपुरमा मित्र राष्ट्र भारतको सिक्किम राज्य सहकारी संघका अध्यक्ष टासी अेाङ्डुप लेप्चालाई बागमती प्रदेश सहकारी संघ लिमिटेडका अध्यक्ष रामशरण शर्मा घिमिरेले स्वागत गर्नुभएको छ ।
नेपाल भ्रमणमा रहनुभएका लेप्चा राज्यस्तरीय सहकारी समन्वयका लागि आवश्यक छलफल गर्न र भावी सहकार्य र समन्वयको योजनाका लागि आज प्रदेश संघको कार्यालयमा आउनुभएको हो । लेप्चालाई स्वागत गर्दै संघका अध्यक्ष शर्माले बागमती प्रदेशभित्रको सहकारी अभियानको बारेमा जानकारी गराएका थिए भने उनका समकक्षी लेप्चाले सिक्किम राज्यको सहकारी अभियानको बारेमा जानकारी गराउनुका साथै दुवै राज्यको सहकारी अभियानको बारेमा अनुभव आदानप्रदान गरिएको थियो । आपसी हितका साथै सम्बन्ध विस्तारका विभिन्न विषयमा छलफल भएको सो कार्यक्रममा नेपाल पर्यटन केन्द्रीय सहकारी संघ लिमिटेडका सञ्चालक हरिशरण गिरी र बागमती प्रोस्कूनका सञ्चालक इन्द्र घिमिरेको उपस्थिति रहेको थियो ।