बागमती प्रदेश सहकारी संघ लिमिटेड संघीय सहकारी ऐन २०७४ को दफा ७ र बागमती प्रदेश सहकारी ऐनको दफा ७ बमोजिम बागमती प्रदेशका सहकारी संघ÷संस्थाहरुको छाता संघको रुपमा  वि.सं. २०७७ श्रावण १३ गते काठमाडौंमा विधिवत् रुपमा दर्ता भई “सुदृढ अभियान, सशक्त तथा सक्षम संघ” भन्ने मूल मन्त्रलाई आत्मसाथ गर्दै शुरुको अवस्थामा बागमती प्रदेशमा रहेका ८२ वटा संघहरुमध्ये ५४ वटा संघहरुको सहभागीतामा संघको स्थापना गरिएको हो । नेपालको संविधान २०७२ ले व्यवस्था गरेको संघीय राज्य व्यवस्था र सहकारी ऐन २०७४ बमोजिम सहकारी अभियानलाई व्यवस्थित गर्न बनेको ऐन अनुसार देशकै पहिलो प्रदेश संघको रुपमा बागमती प्रदेश सहकारी संघ लिमिटेड दर्ता भई यसले नियमित रुपमा सहकारी अभियानमा बहस पैरवी गर्नुका साथै आफ्नो छाताभित्र रहेका प्रारम्भिक संस्थाहरु देखि विषयगत संघहरु तथा जिल्ला संघहरुको क्षमता अभिवृद्धिको क्रियाकलापहरु सञ्चालन गर्ने गरेको छ । बागमती प्रदेशभरि कार्यक्षेत्र भएको यस संघले सहकारीको सर्वमान्य सिद्धान्तलाई अंगिकार गर्दै सहकारीको विकास र प्रवद्र्धनका लागि बहस पैरवी र अभियान सञ्चालन गर्दै आईरहेको छ । संघले स्थापनाको छोटो अवधिमा नै आफ्नो गतिविधि मार्फत् सदस्यहरुको हितको लागि निरन्तर कार्य गर्दै आईरहेको छ । सहकारी मार्फत् सदस्यहरुलाई उत्पादन देखि बजारीकरण हुँदै उपभोग सम्म सहभागी गराई सदस्यहरुको आर्थिक, सामाजिक र साँस्कृतिक उन्नयनका लागि संघले कुनै न कुनै रुपमा भूमिका निर्वाह गरिरहेको छ । प्रदेशभित्र रहेका विषयगत तथा बहुउद्धेश्यीय सहकारी संघ÷संस्थाहरुसँगको सहकार्य र समन्वयमा समानुपातिक रुपमा प्रदेशभित्रका १३ वटै जिल्लाहरुमा विभिन्न प्रकारका गतिविधिहरु संघले सञ्चालन गर्दै आईरहेको छ ।